KORONADAL CITY – Nangin xenophobic na ukon hadlok makig-upod sa iban nga tawo ang mga pumuluyo subong sa pungsod Italya bangud sa coronavirus disease.
Ini ang ginpakigbahin ni Eleonora Vergara, isa ka Pinay resident sa Milan, Italy sa ekslusibo nga interbyu sang Bombo Radyo Koronadal.
Suno kay Vergara, nga tuman ang trauma sang mga tawo subong kun sa diin nagalikaw sila sa tion nga may makit-an sila nga iban.
Wala man sila nagaguwa sa panimalay sa sulod na sang kapin duha ka semana nga isolation bangud sa kahadlok nga malatnan sang nasambit nga balatian.
Dugang sini nga may pipila man nga mga kasimanwa ang nagpositibo apang gilayon nga nagaayo kag wala pa sang may napatay.
Samtang ginpahayag sini nga nagbulig man ang iban nga mga pungsod sa Italy agud buligan ang pagnubo sang numero sang mga nagpositibo sa covid-19.
Suno kay Vergara, pila sa mga ini amo ang pungsod Cuba nga nagpadala sang 52 ka doktor, ang China naman nagpadala sang ila medical team, kag ang Russia.
