KORONADAL CITY– Naglab-ot sa masobra 60 ka pamilya gikan sa Barangay Bantac, Magpet, Cotabato ang nagbakwit matapos nga maapektuhan sang malapanagon nga baha tuga sang pagkaguba sang dike sa Kabacan river nga gintunaan man sang pag-awas sang tubig-baha.
Suno kay Magpet Municipal Disaster Risk Reduction and Management Council (MDRRM) Officer Engr. Donald Homez, ginpatigayon ang force evacuation sa masobra 60 pamilya nga pinaka apektado sang baha kag gindala sa Barangay Multi-purpose hall at Regional Evacuation Center sa Poblacion.
Yara naman sa 30 ka panimalay ang naguiuba kun diin 15 sa mga ini ang totally damage matapos nga gin-anod sang baha.
Nahibaluan nga may mga sapat man nga naanod, mga motorsiklo kag gamit sang mga pumulyo sa lugar.
Samtang, ginahibalo pa ang report angot sa suno pa persona nga gin-anod sang baha kag missing sa karon.
Nagapadayon naman ang assessment sang MDRRM sa mga apektado nga pamilya.
Ginahibalo man ang kabug-usan nga damyos nga ginbilin sang kalamidad.
