KORONADAL CITY – Nakapagkit na sang kabug-usan nga 4,137 human immunodeficiency virus (HIV) cases sa Region 12 santo sa datus sang Department of Health.
Ini ang ginkumpirmar ni Almira A. Solirman,RN -Nurse III,Regional HIV Nurse Coordinator sa pulong balitaan sang Department of Health – Center for Health Development (DOH-CHD) XII.
Suno sa iya, nagdangat na sa 4,137 human immunodeficiency virus (HIV) ang napagkit sa Rehiyon sa bulan sang Marso 2025.
Sa datos sang DOH Regional Epidemiology and Surveillance Unit (RESU), kadam-an ukon 62% ukon 2,594 cases sa kabug-usan ang mga lalaki samtang ang pinaka-apektado nga mga edad amu ang 25 to 34 years old nga 50% sang kaso ukon 2,084 cases.
Ginpahayag man sini nga sa Rehiyon Dose, ang probinsya sang South Cotabato ang may pinakamadamo nga napagkit nga kaso nga nagdangat na sa 1,252 cases kag ginasundan naman sang syudad sang General Santos nga may ara sang 1,215 nga kaso.
Nagapanguna naman nga rason sang paglaton sang HIV amu naman ang unprotected penetrative sex.
Ginhatagan man sang punto sang Department of Health – Center for Health Development (DOH-CHD) XII ang importansiya sang husto sang impormasyon kag edukasyon agud malikawan ini.
Ginaganyat man sang talatapan ang tanan nga magpa test agud mahibaluan ang resulta kag matapna sa pinakamadali nga panahon.
Padayon naman ang mga HIV Treatment hubs sa bilog nga rehiyon sa pagbaton sang luyag magpatest sang libre agud mabuligan ang mga ini.
