KORONADAL CITY – Ginpasiguro sang bago nagpungko nga hepe sang South Cotabato Highway Patrol Group nga hugot nga ipatuman ang bag-o nga memorandum angot sa pagdumili sa pagsakay sa likod sang pick-up kag cargo truck kag ang isyu sang carnapping sa probinsya.
Sa esklusibo nga interbyu sang Bombo Radyo Koronadal kay Police Lt. Danilo Lopez, chief sang HPG South Cotabato, ginpahayag sini nga pagasitahon sa dalanon ang sinoman nga driver nga magasakay sang pasahero sa likod nga bahin.
Kun sino man suno pa ang madakpan, magapangatubang ini sa penalidad nga indi magnubo sa P5,000 bangud isa ini ka sahi sang reckless driving.
Magluwas sini, pagatutukan man sang HPG ang carnapping ukon motornapping issue sa probinsya agud nga tigayon na ini nga matapna.
Kaangot sini, ginpahanumdom man sang bag-o nga opisyal nga magdala sang kumpleto nga dokumento ukon rehistro bag-o magbyahe agud nga mapasiguro ang road safety.
Sa karon, panawagan man sini ang kooperasyon sang publiko agud nga malikawan ang disgrasya kag iban pa nga krimen sa dalanon.
Nahibaluan nga 32 ka tuig na ini nga nagpanerbisyo sa North Cotabato kag Davao Oriental antes gin-appoint sa HPG South Cotabato..
