Nagpahayag ang Clergy for Good Governance (CGG) nga dapat mag-atubang sa korte si Senador Rodante Marcoleta matapos siya pormal nga mapasang-atan sang kaso nga plunder sa Sandiganbayan.
Suno sa grupo, kun nagapangayo sang accountability ang Iglesia Ni Cristo, dapat nga sa korte man ipahayag ni Marcoleta ang iya depensa kag ebidensya.
Ginpahayag man ni Fr. Reyes nga kun inosente ang senador, wala ini sang dapat kahadlukan sa pag-atubang sa korte kag sa mga abogado sang Ombudsman.
Ginpanawagan man sang pari nga pasang-atan man sang kaso ang iban pa nga mga opisyal nga ginatudlo nga nalakip sa flood control scandal, lakip na sanday Senador Joel Villanueva, Senador Chiz Escudero kag bisan si Pangulong Ferdinand Marcos Jr. kon may legal nga responsibilidad ini sa isyu.
Ginpabutyag ni Fr. Reyes nga indi dapat mangin rason ang mataas nga posisyon sang isa ka opisyal agud makalikaw sa pagpapanabat sa layi.
