Preparado ang Koronadal City PNP angut sa ipatigayon nga hublag protesta sa Setyembre 21 sa sini nga tuig . Ini ang nangin pahayag ni Police Captain. Ralph Marvin Francis Rivera spokesperson sang Koronadal City PNP sa interview sang Bombo Radyo Koronadal.Suno kay Rivera, preparado ang mga kapulisan ilabi na diri sa Syudad sang Koronadal para sa posible nga hublag protesta makaligad ang natabo man sa pungsod Indonesia. Dugang pa sa iya gina hulat nila ang mangin aksyon ukon order sa ila nga mga kapulisan kung posible ini madayon sa nasambit nga petsa, agud mangin matawhay ang dalagan sang hublag protesta. Ginpangabay man ni Rivera nga preparado sila kag ginasiguro nga may yara sang deployment sang mga awtoridad kag sa nagkalin -lain nga mga area ukon dalanon sa tion ano man nga kilos protesta kag may yara sang Civil Disturbance Management unit agud wala may matabo nga mga insidente sa posible nga tion sang Hublag protesta.
