KORONADAL CITY-Nagpaandam si South Cotabato PNP spokesperson P/Chief Insp. Marvin DuaDua sa katawhan sang South Cotabato partikular na sa syudad sang Koronadal nga mangin vigilante kag indi lamang igasalig sa kapulisan ang pagbantay sa ila mga propidad ilabi na sa ila mga establisemento.
Nahibaluan nga nangin makaalarma na ang asud-asod nga pagpangawat sa mga establisemento komersyal kun sa diin nangin agresibo na ang mga kawatan sa paghimo sang pagpangawat.
Sa pihak sini, luwas sa pag install sang CCTV cameras kag pag hire sang security guards dapat nga mismo ang mga personnel sang establisemento ang mag secure sang ila negosyo agud nga indi makawatan.
Kaangot sini, padayon pa ang imbestigasyon sang South Cotabato PNP sa serye sang kinawata sa probinsya ilabi na sa syudad sang Koronadal.
