Nakumpiskar ang yara sa bulubanta nga P200,000 nga balor sang marijuana leaves sa isa ka buy-bust operation nga gintigayon sang kapulisan sa bahin sang Purok 2, Brgy. Polo, Polomolok, South Cotabato.
Kaupod ang mga operatiba sang Polomolok Municipal Police Station (MPS), Provincial Intelligence Unit (PIU), Provincial Drug Enforcement Unit (PDEU) sang SCPPO, Special Operations Unit, PNP Drug Enforcement Group (SOU, PDEG 12), sa koordinasyon sang PDEA 12, nagpatigayon sang drug-bust operation nga nagresulta sa pagkadakop kay alyas “Kyle,” 40 anyos, nga residente sang Brgy. Polo, Polomolok, South Cotabato.
Nakuha sa nasambit nga suspek ang isa ka sachet sang ginapatuhan nga marijuana; tatlo ka unrooted nga marijuana plants nga nagabug-at sang 1,004 grams nga may National Standard Drug Price nga Php200,480.00 kag ang Php1,000.00 nga buy-bust money.
Sa karon yara na sa kustodiya sang Polomolok MPS ang mga narekober nga ibidensya para sa wasto nga disposisyon.
