KORONADAL CITY – Naga padayon ang imbestigasyon sang mga otoridad sa nagluntad nga pagpatay sa isa ka mangunguma sa nabukid nga bahin sang Sitio Lahak, Danlag, Tampakan South Cotabato kag boundary man sang banwa sang Columbio, Sultan Kudarat.
Ginkilala ni Councilor Datu Zahir Mamalinta , SB Member sang Columbio, Sultan Kudarat kag Committee on Peace and Order sa nasambit nga banwa ang biktima nga si Jay-ar Tulon Bulani, 32 anyos, may asawa kag residente sang Sitio Lam-alis, Brgy Datalbao, Columbio, Sultan Kudarat.
Suno imbestigasyon sang mga otoridad, nag guwa nga nangin tunaan sang kamatayon sang biktima ang mga buno sa iya nga kalawasan kag ang gunshot wound nga naangkon sini.
Dalayon naman nga gindala ang patay nga lawas sang biktima sa isa ka punrerarya sa banwa sang Columbio.
Samtang padayon naman ang imbestigasyon nga ginahimo sang mga otoridad sa posible nga may kahimuan kag ang motibo sa nagluntad nga krimen.
