Isa ka mangunguma biktima sang Shooting Incident sa Siyudad sang Koronadal; Suspetsado arestado na

Arestado na sa karon ang suspek sa pagpamusil sa ika mangunguma sa Guanzon Village, Barangay Morales, Koronadal City pasado 7:00 sang gab-i, sang Hulyo 29,2025.

Ginkilala ang biktima nga si Jerry Sintin Cesnorio, 54 anyos, mangunguma kag residente sang nasambit nga lugar, samtang ang suspek ginkilala sa Juanito Cornelio Apostol yara sa legal nga pangedaron kag residente sang nasambit nga lugar.

Base sa inisyal nga imbestigasyon, yara sa sulo sang iya panimalay ang biktima sang ginpusil ini sang suspetsado kag naigo ini sa likod nga parte sang lawas biktima.

Sa karon nagapaayo na sa balay bululngan ang biktima samtang padayon ang imbestigasyon sang mga awtoridad sa posible nga motibo sang suspetsado sa nagluntad nga pagpamusil.