Nahold-up, gingbuno kag ginsumbag pa sa baba ang isa ka lalaki sa Purok Rizal, Brgy. Concepcion, Koronadal City.
Nakuha sang suspek sa biktima ang P19,000 nga balor sang kwarta nga ginplano kuntani baklon sang baboy, upod sang cellphone sini.
Suno sa biktima, naguba ang kadena sang iya salakyan sa madulom nga parte sang dalanon.
Sang may isa ka tawo nga nagpundo kag nagbulig sa iya sa pag-ayo sang salakyan.
Pagkatapos sini maayo ang iya salakyan, magabayad na kuntani ang biktima sang P200, apang nakita sang suspek nga may dako siya nga kantidad sang kwarta sa bag.
Amo sini nga ginsumbag ang biktima sa baba, ginkuha ang bag, kag ginbuno pa ini.
Sa karon nakaluwas naman ang biktima, kag padayon ang imbestigasyon sang mga otoridad sa nasambit nga insidente.
