Ginpabutyag ni Iran President Masoud Pezeshkian nga tion na para tapuson ang pila na ka bulan nga giyera sa Middle East kag sa Estados Unidos.
Sa isa ka miting, ginpahayag sang president nga mas maayo nga tapuson na ang giyera samtang yara pa ang Iran sa mabakod nga kahimtangan.
Suno sa iya, ginkilala sang bug-os nga kalibutan ang ila gin-angkon nga kadalag-an.
Ginpabutyag man niya nga ang Amerika amo ang nag-atake sa ila mga buluthuan, balay-bululngan kag imprastraktura, nga suno sa iya isa ini ka paglapas sa mga internasyonal nga regulasyon kag butang nga ginakaugtan sang kalibutan.
Gindepensahan man ni Pezeshkian ang napagkasunduang memorandum of understanding (MoU) upod sa Amerika sang Hunyo nga nagalayon nga tapuson ang giyera.
Ginpabutyag niya nga indi ini dapat tan-awon bilang simbolo sang kapierde sang Tehran.
Suno sa pangulo, wala sang bisan ano sa kasugtanan nga nagapakita nga nagsungka ang Iran, kag ang tanan nga commitment nga yara sa kasugtanan para lamang sa pihak nga kampo.
Ginpahayag ini ni Pezeshkian matapos nga ginpahibalo ni Supreme Leader Mojtaba Khamenei nga gin-aproubahan niya ang kasugtanan para tapuson ang giyera, bisan pa may yara sang nagkalain-lain nga panan-aw tuhoy sa amo nga kasugtanan.
