-- ADVERTISEMENT --
Ginpahayag sang Bangko Sentral ng Pilipinas (BSP) nga posible magsaka ang inflation sa 3.1% tubtob 3.9% sa Marso, bangud sa pagsaka sang presyo sang petrolyo, bugas, kuryente, kag ang pagnubo sang balor sang piso batok sa dolyar.
Samtang, ang mas manubo nga presyo sang gulay, isda, kag karne nagabulig agud mapabilin ang inflation nga manubo nga lebel.
Madumduman nga sang Pebrero, nagdangat sa 2.4% ang inflation, apang ginpahayag ni National Statistician Dennis Mapa nga posible pa ini magsaka bangud sa krisis sa Middle East.
Samtang, ginalauman man sang BSP nga magadangat sa 5.1% ang inflation sa 2026, mas mataas sa target nga 2% tubtob 4%.
