Narekober sang mga awtoridad ang ginapatihan nga shabu kag isa ka improvised nga pusil sa gintigayon nga operasyon sa Purok 9, Brgy. Dungos, Tulunan, Cotabato.
Sa bisa sang Search Warrant, ginsudlan sang mga operatiba ang panimalay sang ginkilala nga alyas “Tox”, 40 anyos, may asawa, kag residente sang nasambit nga barangay.
Walo nga heat-sealed transparent plastic sachets nga ginapatihan nga shabu kag may kabug-aton nga 3.5 gramo ang nakumpiskar sa suspek.
Nakuha man saiya nag isa ka improvised 12-gauge shotgun pistol nga wala sang serial number kag tatlo nga (3) bala ng nsambit nga pusil.
Maga-atubang ini sa kaso nga paglapas sa Republic Act 9165 (Comprehensive Dangerous Drugs Act of 2002) kag Republic Act 10591 (Comprehensive Firearms and Ammunition Regulation Act).
