KORONADAL CITY- Gilayon nga nagpatuman ang Philippine National Police (PNP) sang regionwide pursuit operations sa Central Mindanao batok sa mga miyembro sang Bangsamoro Islamic Freedom Fighters o BIFF nga ginakabig nga responsable sa pagpang ambush patay sa grupo sang Ampatuan, Maguindanao PNP nga nagresulta sang pagkapatay sang duha ka mga kapulisan lakip ang isa ka Chief of Police kag pagkapilas naman sang tatlo ka iban pa sa Brgy. Kapimpilan, Ampatuan Maguindanao.
Ini ang ginpahayag ni PMaj.Regie Albellera, PIO, PNP-Maguindano sa interbyu sang Bombo Radyo Koronadal.
Suno sa opisyal, ginkondena sang PNP ang kahimuan sang BIFF kag naglunsyar sang tikang agud manabat ang mga responsable sa nasambit nga krimen.
Ginpahayag snag opisyal nga indi magnubo sa 10 ka mga miyembro sang Bangsamoro Islamic Freedom Fighter nga armado ang nag ambush sa grupo ni Plt. Samson nga magasilbi kuntani nga mandamiento de arresto sa isa ka indibidwal nga ginkilala kay Kamir Kambal.
Dugang pa ni Albellera, isa ka makahiridlis nga krimen kung kabigon ang natabo kag nagakaanagy lamang nga manabat ang grupo sa sini nga panghilitabo.
Ginpasiguro naman sang ila nga katapo nga pagahimuon nila ang tanan agud maangkon sang mga pamilya sang mga biktima nga pulis ang hustisya.
Sa karon, yara na sa stable nga kondisyon kag nagapaayo na ang mga nakaluwas kag pilason nga mga pulis ka ginkilala nga sanday PSMS Reynante Quinalayo, Pcpl Rogelio Dela Cuesta jr, Pcpl Clint Marc Dayaday.
Gin paalerto naman sang Bangsamoro Region kag Police Regional Office 12 ang Police Regional Mobile Forces para sa posible nga pagharang sang isa ka armadao nga grupo nga ginapamunuan ni Abdulnasser Saptula Guianid nga ginapatihan nga responsable sa pagpatay sa duha ka mga miyembro sang PNP. lakip na ang town Police Chief sang Ampatuan, Maguindanao.
Nagpalab ot naman sang pakig unong ang tanan nga katapo sang kapulisan sa pamilya sang mga biktima sa naangkon sini.
