KORONADAL CITY – Padayon ang imbestigasyon sang Koronadal PNP angot sa pagkapatay sang isa ka persona sa bahin sang Prk. Maawain, Brgy. San Jose kaina sang aga.
Ginkilala ang nasambit nga biktima nga si Peter Simtim Consimino, 47 anyos kag residente sang nasambit nga lugar.
Suno sa una nga nakakita sa biktima nga si Tatay Virgilio, nakabati siya sang isa ka lupok kag sa pagpadulong sa ginhalinan sini, didto niya nakit-an ang lawas ni Consimino.
Base naman sa imbestigasyon sang kapulisan sa pagpanguna ni PCAD officer Lt. Joenary Castañares, narekober sa crime scene ang isa ka basyo sang kalibre 38 mangin man ang nasambit nga armas luthang.
Sa subong yara na sa isa ka funeral parlor ang bangkay ni Consimino para sa autopsy.
Sa subong ila nga ginaimbestigaran kun may foul play nga natabo sa pagkapatay sang nasambit nga biktima.
Ginkakibot naman ni kapitan Danilo Simtim ang natabo ilabi na nga hinablos niya ang nasambit nga biktima.
