KORONADAL CITY- Napunggan ang hana kuntani nga pagpalupok sang Bangsamoro Islamic Freedom Fighters (BIFF) sa detachment sang 44th Citizen Armed Force Geographical Unit O CAFGU sa Barangay Dualing, Aleosan, North Cotabato.
Suno kay Police Sr. Insp. Edwin Abantes, hepe sang Aleosan PNP, ang nasapwan nga granada ang isa ka M-67 fragmentation grenade.
Dako suno pa ang pagpati sang kapulisan nga ang BIFF ang nagbilin sang nasambit nga granada nga maswerte nga wala naglupok.
Madumduman nga sang nagligad nga semana, ginharass man sang BIFF ang nasambit nga CAFGU detachment rason nga nagapangduha-duha ang pamunuan sang Army’s 38th Infantry Battalion nga sila ang nagbilin sang panibag-o nga eksplosibo.
Sa subong mas hugot nga ginabantayan sang mga suldado kag kapulisan ang nasambit nga lugar.
