Gin kakibot sang isa ka negosyante ang gulpi nga pagtaas sang electric bill bangud sa wala man sang prior nga announce ukon abiso ang SOCOTECO-1 sa katawhan. Sa Interview sang Bombo radyo Koronadal kay Reden Rubrico isa ka negosyante s . Ginpahayag sini nga nga dapat may yara sang prior announcement ang ahensya antes pa ipatuman ang pagtaas sang electric bill, agud may preparasyon man ang mga konsumidor, ilabi na ang mga gamay nga negosyante kasubong niya.
Dugang pa niya, bug-at na ang epekto sang masobra isa ka libo nga dugang sa iya nga electric bill kag indi lang siya ang apektado kundi madamo man nga negosyante kag ordinaryo nga pumuluyo ang nagabatyag sang kasubong nga problema.
Nagpanawagan siya sa gobyerno nga maghimo sang tikang ukon mga paagi agud masolusyunan ang pagtaas sang electric bill sa pungsod. Ginpangabay man niya ang SOCOTECO-1 nga maghatag sang tama nga impormasyon kag abiso sa publiko kun may mga pagbag-o sa bayranan, agud indi sila mabigla kag makapreparar man sila.
