KORONADAL CITY – Gin-ako sang Gobernador sang South Cotabato nga nakapanghatag ini sang kwarta sa mga katapo sang Sangguniang panlalawigan sang tinalikdan nga paskuwa apang ginpanginwala nga suhol ini.
Suno kay South Cotabato Governor Reynaldo Tamayo Jr, wala ini nagapanuhol sa baylo kun may magpalapit sa iya nga board member agud magpangayo sang bulig ginahatagan niya ini.
Dugang pa sini, kun may makuha man daw ang mga Board Members nga balor sa iya, ini halin sa iya nga personal nga kwarta kag indi halin sa probinsya.
Pahayag pa sini, kun may makuha man nga kwarta ang mga board member sang South Cotabato, doble pa ang ginahatag sini sa bise gobernador.
Ginpahayag man sini nga naga-ugtas ang ehekutibo sa Sangguniang panlalawigan members kada session bangud wala gani ginadalian ang mga ginaduso sini nga para sa mga proyekto kag programa sang probinsya.
