KORONADAL CITY-Nagapadayon sa karon ang assessment sang Tacurong City Disaster Risk Reduction and Management Council matapos ang pagpanalasa sang ginapatihan nga buhawi sa syudad.
Nahibaluan nga kadungan sang mabaskog nga hangin ang pagbubo man sang mabaskog nga pag ulan nga nagresulta sang pagkaguba sang mga linya sang kuryente samtang madamo man ang mga puno sang kahoy ang natumba kag nahulugan sang mga sanga sang kahoy ang pila ka mga salakyan.
Kaangot sini wala man nakaluwas ang mga puluy- an kag pati man ang business center sa syudad nga naguba man bangod sa mabaskog nga hangin.
Sa karon padayon pa nag ginahibalo sang CDRRMO sang Tacurong ang damyos nga napagkit sa pagpanalasa sang nasambit nga buhawi kag mabasog nga pagbubo sang ulan kag ginahibalo pa kun may yara sang pilason ukon napatay sa nasambit nga panghitabo.
