Gin-insister ni Senator JV Ejercito ang pagpamati sa duha ka bahin kag sa mga opinyon sang iban pa nga mga senador antes maghimo sang pinal nga desisyon may kaangtanan sa kinahanglanon nga threshold sa impeachment case ni Vice President Sara Duterte.
Suno kay Ejercito, importante nga tagdon man ang mga panan-aw sang iya mga kasimanwa nga senador agud makabaton sila sang mas klaro nga basehan sa paghimo sang desisyon.
Gindugang pa sang senador nga makabulig ang pagpamati sa mga legal luminaries, lakip na ang mga retirado nga mahistrado sang Supreme Court, nga mahimo magserbi bilang amicus curiae ukon mga eksperto nga makahatag sang legal nga panan-aw sa mga isyu nga ginatalakay sang impeachment court.
Suno pa kay Ejercito, importante nga mangin balanse kag maathag ang proseso antes mag-abot sa bisan ano nga pinal nga desisyon ang mga senador.
