Dako na nga bulig sa subong para sa isa ka motorista ang oil price rollback sa subong nga adlaw bangud apisar dyutay lang ini mangin parte ini sang pagkinot sang ila nga pamilya.
Sa interview sang Bombo Radyo Koronadal kay Toto Ramos-isa ka motorista, ginpahayag sini nga pilit niya nga gina paigo ang P80 nga gasolina sa isa ka adlaw agud nga mausar pa ang kwarta sini sa mas importante nga galastuhan sa ila nga panimalay.
Sa sulod sang isa ka adlaw ang P80 nga gasolina ang gina-usar sini para magdul-on sa iya nga pamilya sa trabaho sini kag magpadulong man sa iya nga gina-ubrahan. Dugang pa niya, isa man sa dapat nga diskarte sang motorista amo ang dapat mentinado ang mga unit ukon mga salakyan sang mga ini agud nga makakinot ini sa gatong kag maayo ang performance sang iya nga salakyan.
Suno pa sa iya, nagakaangay man suno pa nga likawan ang indi importante nga lagaw usar ang salakyan ukon tricycle agud nga makakinot sa gasolina.
Madumduman nga naganubo ang presyo sa una nga semana sang Agosto.
Suno sa Department of Energy (DOE), yari ang ginapahanugutan nga pagnubo subong nga Martes, Agosto 4:
Diesel – P0.60/L
Gasoline – P0.73/L
Kerosene – P2.09/L
Nagnubo ang presyo sang gatong bangud sang anunsiyo ni US President Donald Trump nga may panibag-o nga negosasyon sa Iran agud matapos ang gyera sa Middle East kag mabuksan ang Strait of Hormuz.
