Duha ka opisyales sa South Cotabato, yara sa bomb-proof bunker sa Israel

Yara sa bomb-proof bunker sa Israel ang duha ka opisyales sang South Cotabato bangod sa nagalala nga tensyon sa tunga sang Israel kag Iran.

Ginkilala ang duha ka opisyales nga si Mayor Timee Joy Gonzales kag si Vice Mayor Cesar Dasilao sang Tantangan.

Madumduman nga nagtambong ang duha ka opisyal sa isa ka conference para sa Study Visit, amo ang “Promoting Sustainability and Food Security in Urban Centers” umpisa pa sang Hunyo 10, 2025.