TUPI, SOUTH COTABATO – Patay ang drayber sang multicab multicab habang sugatan naman ang maybahay nito makaraang araruhin ng trailer truck ang ila salakyan sa national highway sang Crossing Polonuling, Tupi, South cotabato.
Sa eksklusibo nga interbyu sang Bombo Radyo Koronadal, ginkilala ni Tupi PNP chief of Police Major Virlen Pampolina ang ginbawian sang kabuhi nga si Amerodin Suib nga residente sang nasambit nga banwa.
Samtang ang tiayon sini ang padayon nga nagapaayo bangud sa naangkon nga mga pilas sa nagkalain-lain nga bahin sang lawas.
Dugang pa ni Pampolina nga pakadto sa Koronadal City ang nasambit nga multicab sang gin-arado ini sang trailer truck nga pakadto sa General Santos City bangud hinali suno pa ini nga nagliko.
Sa kasamtangan yara na sa kustodiya sang Tupi PNP ang drayber sang truck nga ginkilala kay Richard Tongaling nga nagapangatubang sa kaso nga igasang-at sang mga biktima.
