Nakahanda nga magbaton sang anuman nga issue, kritisismo kag concern ang talatapan sang Department of Public Works and Highways (DPWH) Region 12 halin sa publiko ilabi na kung may kaangtanan sa anomalya sang Flood Control projects kag iban pa nga mga imprastraktura.
Ini ang ginpasiguro ni Ellen Torino, Information Officer DPWH XII sa interview sang Bombo Radyo Koronadal.
Suno kay Torino, katungod sang mga Tax payers nga mag-inquire kun sa diin nagakadto ang kwarta nga ginabayaran nila kag kun sa diin ini ginagasto sang gobyerno.
Kaangot sini, nagapasalamat man sila sa mga netizens kag media kasubong sang Bombo Radyo nga nagahatag sang feedback kag mga concerns sa ila talatapan sa tanan nga may isyu nga imprastaktura.
Sa subong, padayon nga bukas ang talatapan sang DPWH region 12 sa pagbaton sang mga concerns apisar pa nga nagabaton man sang kritisismo halin sa publiko.
Sa karon ila nalang suno pa ginapaabot sa publiko nga magderitso sa ila talatapan angot sa mga concern sa mga proyekto agud maaksiyunan gilayon sang ila ahensya kag mahatagan sang solusyon.
