Nakarekord ang Department of Health (DOH) sang 1,091 ka mga aksidente sa dalan sa bug-os nga Holy Week observation period sang nagligad nga semana.
Suno kay DOH Spokesperson Albert Domingo, narekord ang data humalin Marso 29, Domingo de Ramos, tubtob Abril 2, Huwebes Santo.
Suno sa iya, ini nga numero ang 150% nga mas mataas kon ipaanggid sa 437 ka mga insidente sang aksidente sa dalan nga narekord sang nagligad nga tuig sa 2025.
Sa pihak sini, ginpahayag ni Domingo nga wala ini nagakahulugan nga nagadamo na ang mga aksidente sa dalanon, kundi posible nga mas madamo pa nga mga ospital ang nagareport sang ila mga insidente.
Gindugang pa ni Domingo nga sa isa pa ka panan-awan, importante man suno sa iya ang panan-awan sang publiko sa sini nga bagay bangud lunsay ini rason agud lantawon kon ano pa ang dapat likawan agud malikawan ang kaangay nga aksidente sa dalanon.
Samtang, sa kabug-usan nga datus, nagaguwa nga mas dako ang na-record sa Central Luzon nga may 196, ginasundan sang Davao Region nga may 161 kag Ilocos nga may 159.
