Agud mapreparhan sang DepEd ang mga plano sini kag adjustment sa palaabuton nga school year, isa gid ka dako nga impact nga mahibal-an nila nag numero sang mga estudyante sa ginatigayon nga early registration
Ini ang ginpahayag ni Jetlyn V. Tabigu-on – Assistant Principal for Academic, KNCHS sa interview sang Bombo Radyo Koronadal.
Suno sa opisyal ang nasambit nga early registration isa ka nationwide activity kung sa diin nagumpisa na sang Enero 25 nga magatakop sa Pebrero 15 sa karon nga tuig, kung sa diin may nagkalain-lain nga schedule sa weekdays pati man sa adlaw sang sabado.
Pwede suno pa magdala sang photocopy sang ila nga birth certificate ang mga estudyante para sa early registration apang suno man saiya ginabaton man sa giyapon nila ang mga estudyante nga wala pa nakadala sang ila mga dokumento nga ila sa giyapon gin rehistro.
Gin-awhag man sini ang mga Batang KN kag mga gusto magin isa saila nga magbisita sa KNCHS para sa early registration humalin sa Lunes tubtob Biyernes 8Am-5pm para sa early registration.
