KORONADAL CITY – Posible nga madugangan ang mga nagkalamatay sa makahalanusbo nga pagtibusok sang A320 Airbus plane sa Karachi, Pakistan.
Ini ang ginpahayag ni Bombo international correspondent Harija Ismani Hasan, residente sang Lahore, Pakistan kag kasamtangan nga nagapuyo sa Islammabad apang tumandok sang Zamboanga City sa eksklusibo nga interbyu sang Bombo Radyo Koronadal.
Magluwas pa ini sa kapin 97 ang napatay kag duha ang milagroso nga nakaluwas sa nasambit nga trahediya sang nagtibusok ang nasambit nga eroplano sa residential area sang Karachi.
Suno kay Hasan, yara sa lima ka mga puloy-an ang gindalasa sang pagtibusok sang eroplano rason nga posible nga may mga residente nga nagkalamatay sa amo nga aksidente.
Dugang pa sini nga ginatutokan na sang Pakistani government ang nasambit nga pagtibusok kun sa diin isa suno pa sa mga kabangdanan sang pagtibusok sini amo ang kapaslawan nga mag-abri sang ligid sini sa tion sang paghugpa sini.
