KORONADAL CITY – Gindul-ong na sa ulihi nga pahuluwayan ang 23 anyos nga flight attendant nga tumandok sang General Santos nga gina-alegar nga ginpatay sa syudad sang Makati.
Sa eksklusibo nga interbyu sang Bombo Radyo Koronadal kay City Police Col. Gilberto Tuzon, City Director sang GSACPO, nangin limitado suno pa ang mga inibidwal nga ginpahunugutan nga magtambong sa lubong ni Christine Angelica Dacera bilang paghalong sa COVID 19.
Ginpasiguro man sini nga hugot nga natuman sang tanan nga nagtambong ang health protocols nga ila gintalana kasubong sang social kag physical distancing, pagsuksok sang face mask kag face shield.
Naghatag man sang ulihi nga mensahe kag pagdumdum ang pila sa himata kag abyan ni Christine.
Tubtub sa subong, ginasinggitan gyapon sang Pamilya Dacera ang hustisya sa kamatayon sang nasambit nga flight attendant.
