KORONADAL CITY – Malipayon nga ginbalita sang isa sa mga national custome designer ni 2018 Binibining Pilipinas-Universe Catriona Gray nga isa sa ginakabig nga very strong front runner sa Miss Universe 2018 ang pambato sang Pilipinas.
Sa eksklusibo nga interbyu sang Bombo Radyo Koronadal kay Jearson Demavivas nga taga-Koronadal City kag isa sa mga kaupod sang team ni Catriona sa Thailand, isa sa mga schedule sini kaina ang magpaidalom sa one on one interview.
Confident suno pa ang team Catriona nga masabat sang pambato sang Pilipinas ang tanan nga mga pamangkot nga ihaboy sa iya.
Sa kamatuoran suno pa, isa sa Catriona sa mga ginabantayan sa Thailand.
Apang, aminado si Demavivas nga kinahanglan sa gihapon ang positive feedback kag pangamuyo para kay Catriona bangud diri ini nagakwa sang kusog sa karon tubtob sa coronation night.
Sa karon, yara naman sa Thailand ang mga ginikanan ni Catriona kun sa diin karon palang nakit-an na sini ang suporta sang mga Pinoy sa Thailand para sa kanya.
Balewala naman suno pa ang natabo nga technical problem sa presentation sang national custome ni Catriona bangud ginpakita sini ang manggaranon nga kultura sang pungsod.
