KORONADAL CITY – Nangin dalan ang Bombo Radyo Koronadal agud nga makapasalamat si Antique Vice Governor Edgar Denosta sa mga opisyal kag pumuluyo sang South Cotabato.
Ini bangud sa bulig nga nahatag sang probinsiya sa Visayas labi na sa ila nga lugar sang kasagsagang sang Supertyphoon Yolanda.
Suno kay Vice Governor Denosta, indi sini malipatan ang bulig sang mga South Cotabateños ilabi na sa ginpadala nga 18 ka dumptrucks nga mga relief goods.
Rason nga suno sa bise gobernador, ginahimo man nila ang tanan subong sa Antique agud nga makabawi man lamang sa mga mga South Cotabateños kaupod ang mga bisita sa nagapadayon nga Palarong Pambansa 2017.
Nagalaum naman ang opisyal nga pagkatapos sang Palaro sa Sabado, amhimo pa nga magpabilin ang mga bisita agud nga makita ang mga maanyag nga talan-awon sa ila nga lugar.
