Gina-pahalong sa karon sang Bureau of Immigration ang publiko angot sa nagalapnag nga POGO-like scam hubs sa pungsod.
Suno sa ahensya, masami sa gina-target sini amo ang mga Pilipino.
Sa nangin pahayag ni BI Commissioner Joel Anthony Viado, ginpahayag sini nga makabalaka nga halos adlaw-adlaw nila pagbalabag sa mga Pilipino sa paluparan.
Ini matapos nga nga magpati sa peke nga job offer sa mga social media nga naga-ganyat sang manami nga trabaho kag mataas nga bulanan nga sweldo.
Base sa datos, magalab-ot sa 118 nga mga Pinoy ang nadakapan nga inbolbar sa online scamming schemes sa pungsod.
Kun madumduman, magalab-ot sa 12 ka Pilipino ang nabalik sang Pilipinas halin Myanmar matapos nga magpai sa ila mga illegal recruiters.
Tana sila maga-ubra bilang bilang mga online scammers kag nageksperensya sang pang-abuso man sa mga ini kag kadam-an naga-overtime sa ubra apang wala sang ginahatag nga sweldo.
Angot sini ginganyat sang ahensya ang publiko nga i-report dason sa Inter-Agency Council Against Trafficking ang mga makit-an nga recruitment activities sa ila nga lugar ukon sa social media.
