Dead on arrival sa ospital ang isa ka barangay treasurer sang Barangay Palanggalan matapos ginluthang sang duha ka wala pa makilala nga suspek sa Sitio Tawagon, Purok 6, Barangay Kibudtungan, Carmen, Cotabato gab-i sang Sabado.
Ginkilala ang biktima sa kay Norodin G. Sapal, 50 anyos, barangay treasurer sa nasambit nga Barangay.
Base sa imbestigasyon sang Carmen MPS, hinali lang nga gin palapitan sang duha ka indi makilal-an nga suspek si Sapal samtang naga pungko ini sa guwa sang ila balay kag gin himo ang pag pangluthang gamit ang 45 nga armas .
Madasig naman nga nakapalagyo ang duha ka suspek matapos ang pag pangluthang sakay sang motor, samtang gilayon naman nga nga gindala sang mga residente sa Sapal sa ospital. Apang, gindeklara ini nga dead on arrival sang mga doktor.
Sa subong, padayon pa ang imbestigasyon sang mga awtoridad agud matumod ang motibo kag pagkakilala sang mga suspek.
Nagapanawagan ang mga awtoridad sa sinuman nga nakakita nga magkooperar agud gilayon nga mapanabat ang mga responsable sa krimen.
