-- ADVERTISEMENT --
Padayon ang hot pursuit operation sang Banga Municipal Police Station ang isa ka indibidwal nga ginaa-alegar responsable sa pagluthang patay sa isa ka mangunguma sa Purok Quezon, Barangay Rang-ay, Banga, South Cotabatao.
Sa interview sang Bombo Radyo Koronadal kay Police Captain Genesis Bosabica – OIC sang Banga MPS, ginpahayag niya nga nadiskubrehan nga papuli na ang biktima sa iya uma, sakay sa iya baka nga may ginaguyod nga karo sang nagluntad ang insidente.
Nakarekober ang SOCO sang walo ka basiyo sang bala, kag ginpahayag nga ginamit ang caliber .45 pistol.
Sa karon, yara na sa funeral home ang lawas sang biktima, samtang nagapadayon ang maid-id nga imbestigasyon may kaangtanan sa pagpangluthang kag ang motibo sa krimen.
