KORONADAL CITY- Nagapadayon pa tubtob sa karun ang imbestigasyon sang Bureau of Fire Protection kag Koronadal City PNP ang nagluntad nga alleged pagpangluthang kag pagpangsunog sang isa ka babaye sa Prk Prospero, Brgy Namnama, sa lungsod ng Koronadal.
Sa eklusibo nga interbyu sang Bombo Radyo Koronadal, natumod na ang biktima nga si Jenlee Paloma, yara sa 48 ang edad kag residente sang Dumadalig Tantanga, South Cotabato.
Sa interbyu sang Bombo Radyo Koronadal kay FO1 Aisa Comahig, ginabulubanta nga yara sa P30,000 ang damyos nga ginbilin sang sunog sa boarding house nga ginhimo sa kalakat ukon light materials.
Igapaidalom naman gilayon sa autopsy ang bangkay ni Paloma bangud sa ginapatihan nga foul play bangud una na nga ginapahayag sang pila ka mga residente sa lugar nga nakaangkon sang indi paghangpanay si Paloma kag ang live in partner sini antes ang sunog nga natabo kag nakabati pa sang lupok sang armas luthang.
Samtang sa pihak nag bahin ginpahayag sa Bombo Radyo Koronadal ni alyas Emmy ang utod sang napatay nga biktima suno pa sang pagpangluthang kag sunog sa Brgy. Namnama syudad sang Koronadal nga may ginpahayag sa iya ang iya nga utod nga may yara suno pa ini sang threat sa iya nga kabuhi.
Sa ekslusibo nga interbyu sang Bombo Radyo Koronadal kay Emmy, ginpahayag sang utod sini nga si Jenlee nga may katrabaho suno pa ini nga naga threat sa iya kag updanay suno pa ang mga ini apang wala indi mahibaluan kun sa diin ang mga ini naga updanay.
Apang sa karun, gina imbestigaran na ang live in partner sang iya nga utod nga si Joel nga isa sa mga person’s of interest sa nasambit nga insidente bangud may mga impormasyon nga nakaangkon sang indi paghangpanay ang 2 antes pa ang insidente.
