KORONADAL CITY – Nagapadayon ang imbestigason sang mga kapulisan sa nagluntad nga pagpangluthang-patay sa Assistant election officer sang Commission on Election o COMELEC-Isulan sa banwa sang President Quirino, Sultan Kudarat
Ini ang ginkumpirmar ni PLt. Gladys Novino, admin officer ng President Quirino sa interview sang Bombo Radyo Koronadal.
Ginkilala ang biktima nga si John Nico Allan Dionaldo Pandoy, may asawa, Assistant COMELEC Officer sang Isulan, Sultan Kudarat kag residente sang Purok Sampaguita, Brgy. Poblacion, President Quirino, Sultan Kudarat.
Suno kay Novino, may ginatumod na sila nga mga persona nga posible may kahimuan sang krimen apang ginahibalo pa sa karon ang identity sang mga ini.
Naguwa sa imbestigasyon sang President Quirino PNP nga riding-in-tandem ang may kahimuan sa pagpangluthang patay kay Pandoy.
Nahibaluan nga pasado alas-4 sang hapon sang papuli na kuntani sa ila puluy-an si Pandoy sakay sang iya ngna Yamaha Mio Gear, duag itom sang ginsundan sang duha ka lalaki sakay man sang motorsiklo.
Pag-abot sa bahin sang National Highway, Purok Sampaguita, Poblacion, President Quirino, Sultan Kudarat ginluthang ini sang makapila ka beses nga gintunaan sang iya kamatayon.
Gilayon pa ini nga gindala sa hospital apang wala na masalbar pa.
Sa karon, ginpaid-idan pa sang kapulisan ang imbestigasyon kag ginahibalo ang motibo sang krimen ilabi na kung may kaangtanan sa trabaho sini.
