Archie Alemania, nagpasa sang counter affidavit batok kay Rita Daniela

Nagpasa si Archie Alemania sang counter-affidavit bilang sabat sa act of lasciviousness complaint nga gin-file sa iya sang actress nga si Rita Daniela.

Ginpanginwala sang aktor ang mga alegasyon sang aktres kag nagsumiter sang iya nga counter-affidavit sa iya legal counsel sa Bacoor Hall of Justice.

Nahibaluan, yara man ang presensiya sang abogado sang aktres nga si Atty. Maggie Abraham-Garduque kag ginpahayag nga mapasa sila sang sabat sa Disyembre 17.

Nahibaluan nga nag-file si Daniela sang kaso nga act of lasciviousness batok kay Alemania bangud sa gin-abuso ini pinaagi sa paghalok kag pagtandog sa iya sa ginhiwat nga work gathering sadtong Setyembre.