Ginsuspender sang Sanggauniang Panlalawigan sang South Cotabato ang alkalde sang banwa sang T’boli, South Cot lakip man ang Bise Alkalde sini kag mga konsehal makaligad nga deklarar ang mga ini nga guilty sa mga kaso nga DISHONESTY kag GRAVE ABUSE OF AUTHORITY.
Sa sesyon sang Sangguniang Panlalawigan sang South Cotabato nga ginpangunhan ni Vice Governor Arthur Pingoy sa sesyon nga ginhiwat sang Enero 6 2025 naguwa nga guilty ang alkalde kag tatlo pa ka mga opisyal sa mga kaso nga ginpasaka batok sa mga ini.
Ang kaso sang mga nasambit nga mga opisyal ang nag-ugat makaligad nga ginkasuhan ang mga ini sa pag pabor sa sa Crown Jewel Hotel para sa Tax Incentives.
Ang Crown Jewel Hotel sang Pamilya Tuan sa banwa sang T,Boli South Cotabato ang nakakuha sang Certificate of Registration (COR) antes pa ang aktwal nga pagsumiter sang aplikasyon sini.
Sa diin naguwas sa pila ka mga documento sang Crown Jewel Hotel nga malisyoso ang pag-angkon sini sang Certificate of Registration (COR).
Naguwa man sa dokumento nga ang Certificate of Registration (COR) ang pirmado ni former Mayor Dibu S. Tuan nga may petsa Enero 10, 2019 nga nag kumpirma nga ang nasambit nga establishemyento ang rehistrado sa Tourism Priority Investment Area ng Tboli, alinsunod sa Municipal Ordinance No. 129, Series of 2016.
Ginpunto naman ni Councilor Swain Atam De-Groot sa pila ka series sang hearing nga kulukasubong nga wala nag agi sa husto nga proseso ang nasambit nga hotel sa diin nag guwa man nga ang aktwal nga aplikasyon sang hotel napitsahan nga Enero 16, 2019 sa diin ensakto anum ka adlaw makligad ang pagpaguwa sang Certificate of Registration (COR).
Naguwa man suno pa nga ang alegasyon sang anomalya nga posible nga may ara sang conflict of interest nga natabo bangud ang nasambit nga hotel ang ginapanag-iyahan mismo sang pamilya Tuan.
Naulamid naman ang iban pa nga mga opsiyal sa kaso nga adminitratibo bangud gina-alegar nga ginhatagan sang pabor sang mga ini ang nasambit nga hotel sa pihak sang kakulangon sang mga documento sang mga ini.
Sa ginpaguwa nga desisyon ang SP South Cotabato, suspendido sang 90 days ang mga opisyal sa kaso nga Dishonesty kag 90 day naman sa kaso nga Grave Abuse of Authority sa diin nag dangat sa 180 days tanan ang suspension nanday Mayor Keo Dale Tuan at Vice Mayor Ronie L. Dela Peña, lakip man si Councilor Kirk Tuan kag Councilor Mansueto L. Dela Peña.
Samtang sanday Councilor Pacifico Cordada Jr., Valerio J. Fado, Gading Kambalan, kag Samuel T. Haus ang guilty sa kaso sang GRAVE ABUSE OF AUTHORITY sa diin maga atubang sang 60 days suspension samtang 90 days naman nga suspension ang penalidad nga atubangon nanday sina CouncilorFalin Q. Kuta kag Councilor Romeo Suga sa kaso nga GRAVE ABUSE OF AUTHORITY.
