Patuloy ang impresibong kampanya ni Alex Eala sa WTA 500 Berlin Open matapos niyang pabagsakin ang world No. 8 na si Elina Svitolina sa straight sets, 6-3, 6-4, upang makapasok sa semifinals ng torneo sa grass court.
Mabilis na nakuha ni Eala ang momentum sa laban nang agad siyang lumamang 3-0 sa unang set, na kanyang tinapos sa 6-3. Sa ikalawang set, ipinakita rin ng Filipina tennis player ang matatag na composure at stamina upang tuluyang makuha ang panalo sa 6-4.
Dahil sa tagumpay, umusad si Eala sa semifinals kung saan haharapin niya ang eighth seed at world No. 13 na si Linda Noskova.
Samantala, sa Bad Homburg Open, nakatakda ring sumabak si Eala sa singles match kontra Elise Mertens.
Bukod dito, sasabak din siya sa doubles competition kasama ang tennis icon na si Venus Williams, kung saan makakalaban nila ang tambalang Shuko Aoyama at Liang En-shuo.
