-- ADVERTISEMENT --

Nagkasugot ang 21 ka miyembro nga ekonomiya sang Asia-Pacific Economic Cooperation (APEC) nga pabaskugon ang kooperasyon sa kalakalan, pamuhunan kag pag-uswag sang ekonomiya sa rehiyon, kasunod sang pagtapos sang ila 33rd APEC Economic Leaders’ Meeting sa Shenzhen, China.

Bilang resulta sang summit nga ginpangunahan ni Chinese President Xi Jinping, ginpagwa sang mga lider ang 2026 APEC Leaders’ Declaration sini nga Nobyembre 21, 2026.

Sa nasambit nga deklarasyon, ginpabutyag sang mga lider ang ila komitment nga mapabilin ang katatagan sang ekonomiya, mapataas ang produktibidad kag mapadasig ang pagtubo nga makahatag sang kaayuhan sa tanan.

Lakip man sa ila mga prayoridad ang pagpalapad sang market-driven economic integration sa Asia-Pacific, lakip ang pagpadayon sang mga tikang para sa Free Trade Area of the Asia-Pacific (FTAAP).

Nagtumod man ang deklarasyon sa apat ka panguna nga larangan sang kooperasyon, nga amo ang kalakalan kag pamuhunan, konektibidad, inobasyon kag pagtubo sang ekonomiya.

Samtang, ang Vietnam naman ang mangin host sang masunod nga APEC Economic Leaders’ Meeting sa 2027 nga pagahiwaton sa Phu Quoc, bilang bag-o nga tagapangulo sang organisasyon.