-- ADVERTISEMENT --

Nagapadayon ang pagsaka sang presyo sang pila ka klase sang prutas sa merkado sa Syudad sang Koronadal samtang nagahilapit ang Paskwa, bangud sa indi pa peak season kag limitado nga supply.

Sa interview sang Bombo Radyo Koronadal ginpahayag ni Webbie Bandiola, isa fruit vendor, nga lakip sa nagmahal ang orange, mangosteen, mangga kag lanzones.

Suno sa iya, naglab-ot ang presyo sang orange nga anay kapin ₱1,000 kada karton, subong nagalab-ot na sa sobra ₱2,000, samtang ang lanzones nga anay ₱80 tubtob ₱100 kada kilo, subong nagabaligya na sa ₱113.

Dugang pa niya, isa sa mga rason sang pagnubo sang baligya amo ang pagprioridad sang mga konsumidor sa panguna nga pagkaon kag iban nga kinahanglanon bangud sa nagataas nga presyo sang mga balaklon.

Apesar pa sini, nagalaum si Bandiola nga magadugang ang demand sang prutas sa pag-abot sang Pasko bangud kabahin ini sang naandan nga handa sang mga Pilipino.

Nanawagan man siya kay Presidente Ferdinand Marcos Jr. kag sa gobyerno nga aksyunan ang padayon nga pagsaka sang presyo kag tutukan ang mga dealer nga nagapataas sang balor sang mga balaklon.

Gin-agda man niya ang mga konsumidor nga magbakal gihapon sang prutas suno sa ila ikasarang.

Ginpaathag man niya nga ang isa ka libo nga balor sang kwarta mahimo nga pagkasyahon sa isa ka adlaw, apang magadepende ini sa kadamuon sang pagkaon kag sa panginahanglan sang kada pamilya, ilabi na kon mas madamo kag mas bastante nga pagkaon ang kinahanglan sang tanan nga miyembro sang panimalay.