-- ADVERTISEMENT --

Luwas na nga narekober ang duha ka anay household staff members ni Vice President Sara Duterte matapos nga makapangayo sang bulig sa bise presidente bangud sa ginapahayag nga pagpamugos sa ila nga magpirma sang affidavit nga may yara suno pa sang indi matuod nga mga alegasyon batok sa iya.

Ginpamatud-an ini ni Atty. Salvador Paolo Panelo Jr., tagpamaba ni Duterte, nga nagsiling nga nagbulig ang legal team sang bise presidente kag ang kapulisan sa pagkuha sa duha ka anay empleyado kahapon, Nobyembre 17.

Suno sa panaysayon sang duha, gin-recruit sila sang isa ka pribado nga indibidwal sang Oktubre 2026 agud magtrabaho kuntani sa isa ka resort sa Boracay, apang gindala sila sa Manila sa rason nga mag-agi anay sa training.

Sang Nobyembre 16, ginpahayag nga ginpamahog sila sang ila employer paagi sa pagsiling nga yara sa peligro ang ila kabuhi kag pati ang iya kaugalingon, kag madula lamang ini kun magpirma sila sang mga affidavit nga may yara suno pa sang mga alegasyon batok kay Duterte.

Ginbalibaran sang duha ang pagpirma sang mga dokumento, apang nagpabilin sila sa poder sang ila employer bangud sa kahadlok.

Gilayon sila ginsugat sang legal team kag kapulisan kag gindala sa police station agud maghatag sang sinumpaan nga statement kag magpa-record sang insidente.

Suno sa kampo ni Duterte, napunggan ang ginapatihan nga plano nga gamiton ang duha sa paghimo sang indi matuod nga testimonya.

Sa karon, wala pa naghatag sang dugang nga detalye ang iya kampo agud maproteheran ang seguridad sang mga nadalahig sa amo nga insidente.