Nagpakita ng panibagong pagbangon ang piso matapos magsara sa halagang P63.47 kada US dollar nitong Martes, Nobyembre 3, ang pinakamalakas na palitan nito sa loob ng halos dalawang linggo.
Batay sa datos ng Bankers Association of the Philippines, lumakas ng 27 sentimos ang lokal na pera kumpara sa P63.74 na closing rate noong Biyernes, Oktubre 30.
Iniuugnay ng isang currency trader ang pag-angat ng piso sa mga palatandaan ng posibleng paghupa ng tensiyon sa Middle East, na nagbunsod din ng pagbaba sa pandaigdigang presyo ng langis.
Nakatulong din umano sa performance ng piso ang pagbaba ng US Treasury yields at pagtaas ng remittances matapos ang mahabang holiday weekend.
Para naman sa Miyerkules, Nobyembre 4, inaasahang maglalaro sa pagitan ng P63.30 at P63.70 ang palitan ng piso kontra dolyar habang inaabangan ng mga merkado ang paglalabas ng datos tungkol sa employment sa Estados Unidos.
Patuloy na nakasalalay sa mga pandaigdigang kaganapan at economic indicators ang galaw ng palitan ng piso laban sa dolyar.
