Naglab-ot na sa bag-o nga record high nga P19.66 trilyon ang kabug-usan nga utang sang Pilipinas sa katapusan sang Setyembre 2026, suno sa datos sang Bureau of the Treasury (BTr).
Mas mataas ini sang P53.47 bilyon ukon 0.27 porsyento kon ikumparar sa P19.61 trilyon nga utang sang pungsod sang Agosto.
Sa kabug-usan nga utang, 67.39 porsyento ukon P13.25 trilyon ang domestic debt, samtang P6.41 trilyon ukon 32.61 porsyento ang utang halin sa iban nga pungsod.
Suno sa BTr, nangin rason sang pagsaka sang domestic debt ang dugang nga pag-isyu sang government securities kag ang pagnubo sang balor sang piso kontra dolyar nga nakaapekto sa Onshore Dollar Bonds.
Nagsaka man sang 0.70 porsyento ang external debt bangud sa paghina sang piso kag dugang nga pagpangutang sa mga foreign creditors.
Samtang, nagnubo naman sa P306.63 bilyon ang national government guaranteed obligations matapos magbayad ang gobyerno sang pila ka external guarantees.
