Daw wala gid nagapili sang lahi ang isa ka inahan nga kuring matapos nga ginbaton sini bilang kaugalingon nga bata ang isa ka dyutay nga kuneho nga nag-upod sa iya lima ka kuring.
Natabo ini matapos nga gin-ampon ni Kathy Price kag sang iya pamilya ang isa ka nagabusong nga kuring nga nagpakita sa beranda sang ila balay, nga daw wala na sang tag-iya nga naga-atipan sini.
Pagligad sang duha ka bulan, nagbata ang kuring sang lima pa ka dyutay nga mga kuring.
Apang pila ka adlaw ang nagligad, natingala ang pamilya nga daw nadugangan ang mga kuring kag nadiskubrehan nga ang ika-anom gali isa ka dyutay nga kuneho
Mas nakalilipay pa, ginbaton ini sang inahan nga kuring kag ginpadako kaupod sang iya lima ka kuring, nga daw wala gid ini labot kon lain ang iya lahi.
Nataw-an na lamang sang bana ni Price ang ila sitwasyon kag nagsiling nga maayo na lang nga kuneho ang nadugang sa ila pamilya kag indi ilaga!
Sa karon, nagapangita si Price sang permanente kag luwas nga puluy-an para sa inahan nga pusa, lima ka kuting kag sa ila talagsaon nga ampon nga kuneho bangud malapit ang ila balay sa isa ka matawhay nga dalanon nga madamo ang nagalabay nga salakyan.
Isa naman ini ka makalilipay nga hitabo nga nagapakita nga ang gugma sang isa ka iloy, bisan sapat, wala nagapili sang lahi!
