Naglaan ang United States Department of Agriculture (USDA) sang $34.1 milyon nga pondo para sa lima ka tuig nga proyekto nga nagatuyo nga mapauswag ang industriya sang ube sa Pilipinas kag makabulig sa ginalauman nga 12,500 ka mga mangunguma.
Sa anunsyo ni US Ambassador to the Philippines Lee Lipton nga ginpublikar sang US Embassy sa Pilipinas, ginpahayag nga ipatuman sang TechnoServe ang proyekto sa idalom sang Food for Progress Program sang USDA.
Suno kay Lipton, naghalin ang pondo sa halin sang halos 40,000 metric tons sang soybean meal nga ginhalin sa Estados Unidos.
Ginpaathag man sang ambassador nga nagadako ang paggamit sang ube bilang importante nga sangkap sa nagkalain-lain nga produkto sang pagkaon kag ilimnon sa nagkalain-lain nga bahin sang kalibutan, lakip na sa Amerika.
Paagi sa amo nga proyekto, ginapaabot nga mapabakod ang kadena sang industriya sang ube sa Pilipinas, halin sa pagpananom kag produksyon tubtob sa pagproseso kag paghimo sang mas mataas ang balor nga mga produkto.
Ginapaabot man nga makahatag ini sang dugang nga oportunidad sa mga mangunguma kag makapalapad sang merkado para sa lokal nga ube.
