Nagpaandam ang Department of Labor and Employment (DOLE) sa mga employer nga ang pagpamilit sa mga empleyado nga magsayaw ukon magpasundayag sa mga aktibidad sang kompanya, lakip na ang Christmas party, mahimo ikonsiderar nga bullying sa lugar sang trabaho.
Suno kay Roberto “Bob” M. Cabardo, Regional Labor Information Officer III sang DOLE-7, indi dapat piliton ang mga empleyado nga magpartisipar sa mga sayaw ukon pasundayag kon indi ini suno sa ila kabubut-on.
Gindugang ni Cabardo nga dapat boluntaryo ang pagpartisipar sa sini nga mga aktibidad kag indi resulta sang pagpamilit sang ila mga manugdumala.
Nagpaandam man siya sa mga employer nga mahimo mareklamo ang amo sini nga mga tikang, gani importante nga respetuhon ang desisyon kag kabubut-on sang tagsa ka empleyado sa mga aktibidad nga ginahiwat sang kompanya.
