Indi pagagub-on dayon sang Department of Education (DepEd) ang mga classroom nga magalab-ot na sa 50 ka tuig, kundi usisaon anay ang kondisyon sini agud mahibaluan kun mahimo pa nga kumpunihon kag magamit.
Suno kay Education Secretary Sonny Angara, kon mabakod pa ang pundasyon sang classroom, ipaidalom anay ini sa maid-id nga inspeksyon antes magdesisyon kun kinahanglan na nga gub-on.
Suno sa Second Congressional Commission on Education, may 51,222 ka classroom nga magalab-ot na sa 50 ka tuig sa 2028.Ginpahayag sang DepEd nga ang aktuwal nga kondisyon sang kada building amo ang mangin basihan sa paghatag sang pondo para sa maintenance, pag-ilis sang mga pasilidad.
Target man sang ahensya nga mag-ilis sang sobra sa 18,000 ka classroom kada tuig halin 2026 tubtob 2030.
