Nag-abot na sa China ang Pinay tennis star nga si Alex Eala para sa iya paghampang sa Wuhan Open, nga mangin iya pagbalik sa Women’s Tennis Association (WTA) Tour.
Ginapaabot nga makasulod si Eala bilang 13th seed sa WTA 1000 tournament, kun sa diin posible niya nga maatubang ang pila ka kilala nga mga ngalan sa tennis, lakip sanday Aryna Sabalenka, Jessica Pegula, Mirra Andreeva, Linda Noskova kag Elina Svitolina.
Magsugod ang singles qualifying draw sa Oktubre 10, samtang natalana naman nga magsugod ang main draw sa Oktubre 12.
Madumduman nga wala makatambong si Eala sa China Open agud mahatagan sang prayoridad ang iya paghampang sa Asian Games, kun sa diin nakakuha siya sang mga bronze medal.
Ang iya katapusan nga paghampang sa WTA Tour amo ang Singapore Open, kun sa diin nakaabot lamang siya sa ikaduha nga round sang torneo.
