Ginpahayag ni US President Donald Trump nga wala sang plano ang Estados Unidos nga maglunsar sang bag-o nga pag-atake batok sa Iran antes sang midterm elections sa Nobyembre.
Suno kay Trump, positibo ang nagapadayon nga mga pag-istoryahanay sa tunga sang Washington kag Tehran samtang nagapadayon ang mga panikasog nga masolbar ang tensyon sa tunga sang duha ka pungsod.
Ginpahayag man sang US President nga nagapadayon ang pagpakig-angot sang mga pungsod nga nagaserbi bilang mediator, lakip na ang Qatar, agod makabulig sa pagpangita sang paagi para matapos ang inaway sa tunga sang US kag Iran.
Ang pahayag ni Trump ginpahayag samtang nagapalapit ang US midterm elections nga natalana sa Nobyembre 3.
Padayon man nga ginatutukan sang international community ang mga diplomatic efforts nga mahimo magbukas sang dalan para sa pag-istoryahanay kag posible nga pagtapos sang tensyon sa tunga sang Washington kag Tehran.
